Guru Gyan Dyan Ko Jhabarak Diwalo | गुरु ज्ञान ध्यान को झबरक दिवलो

गुरु ज्ञान ध्यान को झबरक दिवलो, हालो सत् के मारगाँ॥टेर॥

आप सुवारथ सब जग राचै, परमारथ कुण राचै ओ बाबाजी,
परमारथ रा राचणियाँ नर थोड़ा रे बीरा॥1॥

हाथाँ में थारे झबरक दिवलो, आंगनियो कोनी सूझे ओ बाबाजी,
पैड़ी ये दुहेली किस विध चढस्यो रे बीरा॥2॥

समदरिये रा माणसिया थे तालरियाँ कांई रीइया ओ बाबाजी, 
समदरिये में महंगा मोती निपजै रे बीरा॥3॥

ओछे जल का मानसिया थारी तुष्णा कबुहूँ न भागै ओ बाबाजी,
पर नार्यों रा मोहेड़ा नर हीणा रे बीरा॥4॥

तँवराँ मे टीकायत सिद्ध श्री रामदेवजी बोल्या ओ बाबाजी,
हाथ लगेड़ो माणसियो मत खोवो रे बीरा॥5॥

Song:

Guru Gyan Dyan Ko Jhabarak Diwalo गुरु ज्ञान ध्यान को झबरक दिवलो